Seychelles... Which Way? And... Whose Way?

Seselwa a letranze e tou bann ki Sesel. Debout tou zonm ek fanm. Montre ki nou tou nou lib. Parey in ganny dir nou tou nou aksyonner dan Sesel parey dan en lantrepriz. An nou pa annan memwar kourt. Sanzman latitid i bewzwen an profonder. Fodre pa ki en apel pou en "Seychelles Way" i zis "another way" pou en pti group touzour "have their way". Kan koudeta ti ganny fer an 1977 eski sa ti pou "lanmour sesel"? Eski se vreman pou lanmour sesel ki sa dernyen apel a la popilasyon pe ganny fer? Eski se pa pou lanmour SPPF? Eski se pa plito pou lanmour lanbisyon personnel? Bann kin oule fors desten en popilasyon an itilizan la fors devret rekonnet, si vreman zot annan lanmour sesel a ker, ki sa pa tin devret ganny fer. Respe lalwa i en valer ki devret dan fondasyon en sosyete demokratik. An nou onnet ek nou menm, anver lapopilasyon e ek nou bann zenn. Se sel fason pou nou mars an avan avek fyerte,dan laverite, dan lazistis. Si fondasyon i fay pe enport groser lakaz ou si i zoli to ou tar i pou tonbe. Pa bezwen personn saboule ou malparle; lafebles i dan konstriksyon. An nou onnet e rekonnet kot noun fer lerer; la nou a kapab vreman demann tou dimoun pou donn en koudmen. Seselwa an nou ouver nou memwar, nou lizye, nou zorey, nou labous e byen sir nou leker pou lanmour sesel...pou lanmour nou zanfan...pou nou lanmourprop.

Tex Albert

12th October , 1999.
3123 St-Charles,
St-Laurent,
Québec, H4R 1B5
CANADA
e-mail : Tex_Albert @altavista.com
(First appeared on http://looksmart.remarq.com in the forum African-Culture, Freedom of Press in Seychelles, in response to Kozpa.)

Back